FESTICULTORES TROUPE
CULTIVADORES DE FESTAS
Festicultores é unha banda de música de rúa cun único obxectivo: Cultivar a festa máis salvaxe baseada na música, o humor, o baile e a desinhibición cerebral…
Onde queira que vexas o seu nome, a diversión está asegurada… e sábe-lo!
Festicultores Troupe, os únicos e auténticos cultivadores de festas, estamos preparándonos física e mentalmente, como nunca, para poder resistir a nova tempada.
Este ano, ademáis da nosa incríble preparación física, contaremos co noso único e espectacular artefacto sonoro de tecnoloxía punta alieníxena galáica.
O 2023 será o ano da Festicultura, o mundo perderá a cordura e os Festicultores demostrarán unha vez máis a involución e a inmadurez sufridas nestes 18 anos da nosa exitosa traxectoria rural.
ESPECTÁCULOS
Contamos con 18 anos de historia e máis de 900 actuacións en varios países como Portugal, Francia, Serbia, Polonia, España e unha capacidade irrefutable: cultivar a festa máis ULTRAMEGASUPERDIVERTIDA do universo mundial.
SERVIZOS
ANIMACIÓN DE RÚA
Festicultores Troupe é un proxecto de vangarda que busca innovar dentro dos pasarrúas, desmarcándose por completo do resto de charangas xa existentes, achegando ao público a un espectáculo que, sen dúbida, fará bailar e divertirse a tódolos públicos.
CONCERTOS
Un espectáculo onde demostraremos a nosa especialidade: Deslumbrar coa festa máis potente e atrevida, baseada na música, o humor e o baile.
EVENTOS
Podes contratarnos para calquera evento no que queiras incorporar boa música, baile e moito humor.
